12 Gusht 1950 – Ora 19.30

I dashtuni Zotni Profesor (Koliqi),

Si qe kishim mbet d’accord u poqem bashk me Z. Nduen (Pjetri Gjomarkaj) me mikun t’on qe kishte me na lajmerue mbi telegramat qe kishin mbrisot, dhe po ju drejtoj ketu tekstin qe kishte mbajt ne mend.

Amadeo lajmeron: Kemi mbri ne vend te Nikit dhe presim instrukcione per te ardhshmen e grupit t’on.

Ndue Melyshi lajmeron: Mbas 10 mujeve mora telegramin dhe ishja ndam nga bota jone. Sa per informatat qe kerkoni nuk jam ne gjendje te ju nap as un as shoket e mi, mbasi kemi ken te burgosun dhe nen vrejtje. Vetem mund te ju them qe shqiptaret qe gjinden ne Jugoslavi jan lirue nga burgjet dhe gzojin te drejtat e cdo puntorit te vendit. Deri me 15 gusht jam me Nikun dhe pres instrukcione .

Gjoni (Gjinaj) lajmeron: Aritem te bashkohemi me grupin e Nikut bashke me grupin e Osc. ne pyellin e Bitoshit. Nuk mujta me mbri ma pare mbasi qe jemi ken te rrethuem 20 dite rresht. Pjeter Gjoci nuk mujti te bashkohet me mue mbasi ke i rrethuem prej fuqinavet te mbdhaja. Shpresoj dhe besoj qe te jet bashkue me cetata e Fanit. Pres instrukcione.

Tekstat sipertregueme jan mbajt ne mend te mikut dhe nuk jan tekstualisht keshtu por kan kete kuptim dhe as gja tjeter. Si shifni gjendja asht dryshue ne favor. Kerkova sonte me nji heri te mar kontakt me mikun me te cillen isha ne dreke sot, por nuk gjeta ne shtepi. Mbeti neser te piqem me te per me mujt me ja terhjek vrejtjen per telegramat qe kan ardhe, pa trathtue mikun perbashket qe na solli lajmin. Keshtu qe bashk me mikun do te provokojm neser nji mbledhje ne absencen e “gjovanotto” mbasi qe keta presin instrukcione. Mos u bani as pak marak per kete dhe shiqoni rahatin e juej. Bashk me Ndue rregullojim te gjithat neve ketu dhe ju mbajim ne korrent.

Kaq per sot. Ju fale me shendet si juve ashtu edhe Zonjen dhe Kapidanit, si Ndue ashtu edhe une.

Nenshkruar Xhafer Deva dhe Ndue Gjomarkaj (Pjeter)